Улсын Онцгой комиссын Шуурхай штабаас гадаад улсад байгаа Монгол Улсын иргэдээ татан авах талаар мэдээлэл өгч байна.
ОБЕГ-ын дарга, Хурандаа Т.Бадрал, Тусгай үүргийн нислэгээр ирэх иргэд 21 хоног тусгаарлагдах учир хувийн ажлаа зохицуулаарай гэж сануулмаар байна. Иргэд онгоцны тийзийн үнэ, тусгаарлагдах байрны төлбөрийг төлөхөөс гадна тухайн улсдаа шинжилгээ өгсний дараа онгоцонд суух эрх нээгдэнэ.
Энгийн нислэг биш учир онгоцонд хоолоор үйлчлэхгүй. Онгоцонд амны хаалт зүүх, ариун цэврийн өрөө орох зэргээр шилжилт хөдөлгөөний хийхгүйн тулд суухаас өмнө хувийн бэлтгэлээ сайтар хангах хэрэгтэй.
ГХЯ-ны Консулын газрын дарга Л.Мөнхтүшиг, 4805 монгол иргэн ЭСЯ-аараа дамжуулан эх орондоо ирэх хүсэлтээ гаргасан. Үүний 2400 нь Солонгост байгаа иргэд. Өнөөдрийн байдлаар БНСУ-аас 800 гаруй иргэн эх орондоо буцахаар бүртгүүлсэн гэлээ.
