Өнөөдөр Өмнөд Солонгос, Японы төрийн тэргүүнүүдийн Токио хотод хийх дээд хэмжээний уулзалттай холбогдуулан Умард Солонгос тив алгасах баллистик пуужин харвасан байна.
Өнөө өглөө орон нутгийн цагаар 07:09 цагт харвасан Умардын пуужин 1000 км нисч Японы эдийн засгийн онцгой бүсийн гаднах усанд унажээ. Энэ нь өнгөрсөн долоо хоногоос хойш БНАСАУ-ын харвасан дөрөв дэх пуужин болж байна. Гэхдээ өмнөхүүд нь бүгд богино тусгалынх байсан.
БНСУ, Японы төрийн тэргүүнүүдийн уулзалтаас гадна яг одоо явагдаж буй АНУ-БНСУ-ын хамтарсан тэнгисийн цэргийн хүчний сургуулилалтыг БНАСАУ эсэргүүцэж буй.
Тив алгасах баллистик пуужин харвасантай холбогдуулан БНСУ-ын засгийн газар Үндэсний аюулгүй байдлын зөвлөлөө шуурхай хуралдуулжээ. БНСУ-ын Ерөнхийлөгч Юн Сук Ёл Токиог зорихоосоо өмнө тус хуралд оролцож, Умард Солонгосыг өдөөн хатгалга хийснийхээ төлөөсийг төлөх болно гэсэн байна.
