Шинэ коронавирусийн халдвартай холбоотойгоор ямар нэг шинж тэмдэг илэрвэл эмнэлэгт яаран очихгүй байхыг Эрүүл мэндийн яамнаас зөвлөж байна.
Харин 119, 100, 103 тусгай дугаар болон 80086829, 70284393 дугаарын утсаар зөвлөгөө мэдээлэл авах юм.
Сүүлийн 14 хоногийн хугацаанд өвчлөл гарсан улсад зорчсон, коронавируст халдвараар өвчилсөн хүнтэй ойрын хавьтал болсон, халуурах, хуурай ханиалгах, ядарч сульдах, цэр гарах, амьсгал давчдах, булчин, хоолой, толгой өвдөх, бөөлжих, гүйлгэх зэрэг шинж тэмдэг илэрвэл дээрх дугаарын утсаар зөвлөгөө авахаас гадна өрх, сум, тосгоны эрүүл мэндийн байгууллагын утсанд хандах хэрэгтэй.
