Шатрын олимпиад: Эрэгтэй,эмэгтэй шигшээ баг хүндхэн тулаануудыг хийлээ

A- A A+
Шатрын олимпиад: Эрэгтэй,эмэгтэй шигшээ баг хүндхэн тулаануудыг хийлээ

Энэтхэгийн Ченнай хотноо болж буй Шатрын 44 дүгээр олимпиадын есдүгээр өргийн тоглолтууд өчигдөр явагдлаа. Дэлхийн шатрын олимпиадын есдүгээр өргийн тоглолтод манай улсын эрэгтэй, эмэгтэй шигшээ баг ялагдал хүлээлээ.

ЭМЭГТЭЙ БАГ:

Их мастер А.Энхтуул тэргүүтэй эмэгтэй шигшээ баг маань олимпиадын 6-д эрэмбэлэгдсэн Азербейджаны багт 1.5:2.5 харьцаагаар харамсалтай хожигдлоо. Өчигдрийн өргийг дэлхийн шатрын холбооны мастер Д.Мөнхзул өнжсөн. Есдүгээр өргийн дараа охидууд маань 13 оноотой 11-р байрт бичигдэж байна.

ЭРЭГТЭЙ БАГ:

Эрэгтэй баг 2021 оны "ДЭЛХИЙН ЦОМ"-ын эзэн дэлхийн элит их мастер Я.К.Дудагаар ахлуулсан Польшийн шигшээ багийн эсрэг 1:3 харьцаагаар ялагдал хүлээлээ. Өчигдрийн есдүгээр өргийг их мастер Д.Батсүрэн өнжсөн. Есөн тойргийн дараа залуучууд маань 10 оноотой 62-р байрт бичигдэж байна.

Манай улсын баг тамирчид аравдугаар тойрогт:

Эмэгтэй баг Болгарын шигшээ багтай тулалдана.

Эрэгтэй баг Зимбабвегийн шигшээ багтай оноолт тааржээ.

Дэлхийн шатрын 44-р олимпиад өндөрлөхөд хоёр тойрог дутуу байна.