Тайландын усанд сэлэлтийн аварга шалгаруулах тэмцээн тус улсын нийслэл Бангкок хотод энэ сарын 21-23-нд болжээ.
Энэ тэмцээнд Б.Энххүслэн оролцож зургаан төрөлд Монгол Улсын дээд амжилтыг шинэчлэн тогтоосон бөгөөд 200 метрийн өврөөр даллах сэлэлтийн төрөлд ДАШТ-д В цагийг биелүүлсэн тамирчин болсон байна.
Тэрээр
50 метрийн өврөөр даллах сэлэлтээр 26.54 секунд
800 метрийн өврөөр даллах сэлэлтээр 8 минут 47.20 секунд
100 метрийн өврөөр даллах сэлэлтээр 56.08 секунд
200 метрийн өврөөр даллах сэлэлтээр 1 минут 58.23 секунд
100 метрийн мэлхий сэлэлтээр 1 минут 12.50 секунд
200 метрийн холимог сэлэлтээр 2 минут 17.49 секундэд барианд орсон гэж БТСУХ-оос мэдээллээ.
