2020.01.16-ны шөнийн 05:50 цагийн орчим Хан-Уул дүүрэг Их Монголын гудамжинд асфальтан замд Toyota Premio маркийн А жолоочтой автомашин, Mercedes Benz маркийн А жолоочтой автомашинтай мөргөлдөж, жолооч 45 настай, эрэгтэй, А нас барсан ноцтой осол гарсан.
Осол гаргасан Mercedes Benz маркийн автомашиныг жолоодож явсан А гэх хүн нь залуу жүжигчин Г.Ананд байжээ. тэрбээр осол хийх үедээ согтууруулах ундааны зүйл хэрэглэсэн байсан гэдгийг эх сурвалж мэдээллээ. Харин мөргүүлсэн Toyota Premio маркийн автомашины жолооч газар дээрээ амиа алдсан юм.
Г.Анандын хувьд "Single ladies-3" кинонд тоглосноор жүжигчний кариер нь эхэлж, олны танил болсон нэгэн билээ. Уг хэргийг одоо Тээврийн цагдаагийн албаны Мөрдөн шалгах хэлтэст эрүүгийн хэрэг үүсгэн шалгаж байна.
