Цар тахлын халдвартай тэмцэхэд зориулан АНУ-аас Монголд хандивласан 50 ширхэг амьсгалын аппаратыг өнгөрсөн шөнө Монголд авчирчээ. Тусламжийг АНУ-ын Олон улсын хөгжлийн агентлагаас /USAID/ өгсөн байна.
АНУ-аас Монгол Улсад Онц бөгөөд бүрэн эрхт Элчин сайд Майкл Клечески энэ талаар өөрийн твиттер хуудаснаа "Аливаа хямралын үед анд нөхөд хамтдаа байдаг. Монгол дахь Стратегийн түншүүддээ өгсөн амлалтаа биелүүлж, КОВИД19-тэй тэмцэхэд туслахаар Америкт үйлдвэрлэсэн амьсгалын 50 аппарат авчирлаа" хэмээн жиргэжээ.
